In sangan gi todu na nasion, familia, hula’, yan taotao siha para todu i u finattoigue este na cho’cho’: Na ginen i grasian Yu’os Tata, yan i Saina-ta as Jesukristo, in li’e’ i plegu yan i nota siha gi plegu, yam i notan i taotao Nephi yan i Lamanites, i ma’ñe’lon-ñiha, yan lokkue’ i taotao Jared, ni’ manmatto ginen i toren ni’ hagas ma sangan. Ya in tingo’ lokkue’ na ma translada ginen i nina’siñan Yu’os, sa’ ha diklara giya hami ginen i bos-ña, pues in tingo’ klaru na magahet i che’cho’. Pues in testiguyi lokkue’ na in li’e’ i matka siha gi plegu; ya manma fa’nu’i ham ginen i nina’siñan Yu’os, ahe’ ti ginen i nina’siñan taotao. Pues in diklara gi sen Yini’usan na i anghet Yu’os matto papa’ ginen i langet ya ha po’lo gi me’nan matan-mami, ya in li’e’ i plegu siha, yan i matka siha; ya in tingo’ ha’ na ginen i grasian Yu’os Tata, yan i Saina-ta Jesukristo, in tingo’ yan in li’e’ este siha yan in testiguyi na magahet. Ya sen maolek i lini’e’-mami. Sinembatgo, i bos i Saina-ta ha kumanda ham para bai in fantestigu; pues, para bai in esge i tinago’ Yu’os, in sangan este na testimoniu. In komprende ha’ na komu metgot hinenggen-mami gi as Kristo, siempre in na’suha i haga’ todu i taotao gi bestidon-mami, ya in fanma sodda’ gasgas gi siyan i sentensian Kristo, ya in fanhami tiot tiempo yan guiya gi langet siha. Pues in na’i todu i onra para si Yu’os Tata, yan i Lahi-ña, yan i Espiritu Santo, ni’ un Yu’os. Amen.